يَشْتَاق فَجَر الْعِيْد رَيِحَة بِخَوْرُك ..!

لاحظت اني ماكتب الا الصبح ..

أحب وقت الصباح أحس فيه روقان وهدوء .. احس مخي صافي الحمدالله

فاصل ~

صباح الخير من بدري

وانا آسف على ازعاجك

ولهت اقول لمزونك

ترى قاع الغلا قفره

واذا ودك تحس شلون

انا بالحيــــــل محتاجك
ابي تحبس نفس صدرك

وحس ( بحاجة الزفرة ) ...

,,,,

ياسرع الايام خلص العيد وخلصت الدوشة ,, الحمدالله كان عيد جميل واستراحة اجمل وناس توسع الصدر

صلينا العيد وحسينا بالمتعة صدق ,, على فكرة اللي مايصلي العيد احسه محروم

رجعنا من الصلاة وجلسنا نتقهوى ونحوس ونرقى وننزل ونتهاوش ونتروش واللي يدور ثوبة واللي مضيع عقاله

واللي مطنقر لانه قايم من الازعاج وحالة ..

يعني بيتنا صبح العيد قلق شوي بس ميخالف اهم شيء المتعة خخخخخخخخخخخخخ
عاد نبدأ نخترش ونروح ونجي احيانا ارقى وانزل بلا هدف من قوة الاختراش خخخخخخخخخخخخ

الموهم بما ان العيد على ابوي فـ لازم نرتز بالاستراحة من 10 وتبدأ الجموع بالتوافد الى المقر بعد الظهر << مناك تكفين

عاد تبدأ فعاليات الظهر بالتقهوي والصواريخ والروعات وسواليف ثمن عاد التوجة الى المائدة الرئيسية o_O

بعد العصر يبدأ توزيع العيديات وحركات عيديتنا احسن من عيديتكم خخخخخخخخخخخ

وتوزيع الهدايا والفلوس ,, وزمازم شاهي جايه وزمازم شاهي رايحة ليييين يأذن المغرب

تتجمع الحشود عند سجاد الصلاة بانتظار الدور << ابد مانطقت تنتظر @_@

بعد المغرب ترجع حليمة لعادتها القديمة ,, قهوة وحلويات لين يأذن العشاء

بعد العشاء نرجع للشاهي مع المعجنات والخرابيط يعني يختلف عن شاهي العصر

حق العصر بدون معجنات بس مكسرات عشان تهضيم لرز العيد << هذولا اللي فاهمين التهضيم غلط خخخخخخخ

( عيد السعوديين عبارة عن : قهوة شاهي - شاهي قهوة - حلى معجنات - معجنات حلى ) هههههههههههههههههه

عاد اذا جت الساعه 9 الليل يبدأ التسلل للمنازل احنا اخر ناس نرجع تقريبا على 12 - 1 على حسب عاد

فيه صور لقطتها للعيد وخرابيط العيد وزحمة العيد فيه صور بالبيت وفيه صور من الاستراحة ببدأ بالترتيب ..

يافجر العيد وافرآح المواني ياكثر اهل الارض طيبة قلب واسرار دفينة << الله الله عليك يافهد

قهوة البيت << طيب @_@

الا ستراحة ( هالصورة لقطتها بجوالي من جوال ثاني ) O_o << احلفي

اطفالنا اكبادنا يولعون صواريخ مره في الشارع ومره جوى على حسب المود

خشش جميلة في العيد ماشاء الله ..

في الجانب الاخر من قسم الرحال ( عاد الصدق الصدق هذا اول ماجينا قبل يجون الناس )

هذي عيدياتنا للصغار احلى عيديات ,, موب عشانها عيديتنا بس الصدز ينقال هي احلى شيء << برى يابزر

,,,,,

هذي اللوحة سوينا عليها مسابقة عبارة عن طلبات واسئلة عامة واسئلة دينية ( الزبدة اكتشفت انهم رايحين فيها خخخخخخخخ )

مافلحوا الا بالطلبات .. كان فيه طلب من الطلبات انهم يجيبون نملة حية والاسرع بيفوز ودي اني مصورة فيديو

فيه طيحات وصدمات شنيعة هههههههههههههههههههههههههههههه

هالصورة عشان تحسون بالعيد خخخخخخخخخخ

.......

وكما هو معتاد الالعاب النارية تبدأ تسع ونص مدري عشر الموهم فيه موقع قبال استراحتنا

عاد فتحنا باب الشارع الكبير وجلسنا نتفرج .. شوي ونقلط في الشارع

...............................................

عيدياتي للكبار من خلف الكواليس ....~

طبعا ماخلصت منهم الا ليلة العيد ..

خـــــــتــاماً حبة ماكنتوش لكل من مر هنا .. واللي صايم يحلي فيها المغرب .

,,,,,

إنتهى يومي , انتهى معه تعبي وإنهاكي

بعد ضجيج العيد ,

من متفجراتهم !

واصواتهم !

روائح عطوراتهم !

وضجيج ضحكاتهم !

وزحمة من التهاني والتبريكات والمعايده ..

انتهى بكل مافيه ,

راجية من الله ان يحمي ويحفظ لي كل من قام بمعايدتي ,

او فقط .. خطرت على باله في هذا اليوم .

/

اليوم اكتشفت اني حليمة لدرجة ماتصورتها .. تخيلوا اني باديه من الصبح والحين 4 ونص العصر وتوني اخلص

الله ياخذ تنسيق الرسائل في البلوق اقرررف شيء عرفته بحياتي

كل ما اضفت صورة ينحاس كللللللللللللللللللللللش

وارجع اعدل من جديد وعلى هالحالة من الصبح :/

¦[• صـبـاااحـات .. و لـنـا مـع الصبـااح حكـااية •]¦

ياصبآح الخيرات والليرات ..
ياصبآح الجنيهات الاسترلينية ..


كيفكم ؟ ان شاء الله بخير

شفتوا وش سرع الدنيا .. امس نهني بعض برمضان واليوم نهني بعض بالعيد ..
اللهم اجعلنا ممن صام رمضان ايمانا واحتسابا
اللهم اجعلنا ممن دعاك فأجبته
اللهم اجعلنا ممن اعتقت رقابهم في هذا الشهر من النار
اللهم اجعلنا ممن يقال لهم ادخلوها بسلام آمنين ...

اللهم آمين


- كل عام وانتم بخير مابقي شيء احتمال العيد بكرى او بعده مع انهم يقولون انه الجمعة بس العلم عند الله مايندرى

....


امممم احس بروقآآن الحمدالله
قاعده افرفر كعادتي بالشبكة العنكبوتية << قويه الكلمة ترى

عاد قريت كم كلمة حلوين وحبيت تشاركوني << احلام مستغانمي متنكره


( مداخله ضميريه )
انا وحده احب اقرأ الخواطر .. او الشعر .. او النثر ( اللي يكون قصير وبالصميم )
وغالبا يعجبني اللي احسه يعبر عني او مريت فيه بلحظه من اللحظات
يعني احيانا الواحد يقرأ شيء يحس انه يمثل حالته لدرجة انه يلتفت على ضميره ويقوله ماتحس ان الكاتب يقصدني << مشكلة اللي يهوجس


على طاري الهواجيس مير << داريه اني استطرد واجد بس ماعليكم اهم شيء الواحد يكون مرتاح وهو يكتب في بلوقه خخخخخخخ
ايه اقولكم تراني راعية هواجيس يعني لاشفتوا شطحه منا والا مناك غضوا البصر
لا واذا بديت ادخل لعالم الهواجيس ابدأ اسوي عادة قبيحة اتمنى اني اتركها بيوم من الايام الا وهي : تنتيف الشعر :/ اعععععع ماقبحها من عاده
بس لاتمكنت من الواحد صعب يتخلص منها .. تكفون لحد يجرب او لحد يلمس شعره وهو يفكر .
ان شاء الله راح افرد موضوع عن الهوجسه ومايصاحبها من تصرفات لا ارادريه << الهوجسه هو المصطلح العلمي للهواجيس خخخخخخ


ايه نرجع لمحور حديثنا الا وهو الكلام الجميل << احسكم نسيتوا اصلا وشو المحور ههههههههههه

..........







- أتدري ما كنت أنوي استحضاره ..؟
صورة لك لم تهترئ في ذاكرتي ..
صورة لم يلطخها الغياب ..
صوره أراك فيها جميلا كالسابق ..
صورتك مًسحت من ألبومات الذاكره ..
,

’
فتش لك عن مخبأ جديد ..!





\\








لتكن ارواحنا راقيـة..
نتسامى عن سفاسف الأمـور وعن كل مايخدش نقائنا نحترم ذاتنا ونحترم الغير..
عندما نتحدث نتحدث بعمق .. نطلب بأدب .. ونشكر بذوق .. ونعتذر بصدق ..
نترفع عن التفاهات والقيل والقـال ..نحب بصمت ونغضب بصمت..
وان اردنا الرحيل ..

نرحل بصمت .



//

سُقُوْط الْأَقْنِعَةِ [ مُوْجِعٌ ] جِدَّاً

خَآصَّةً ..!

.

.

إِذَا كَآنَتْ الْوجُوْه الْحَقِيْقِيةُ مُشَوَّهَةً -

,,,

يتبع ~

صبآح مختلف ..

متبوع ~


( انتبهت ان ساعة بلوقي منفرطه وعدلتها ) << بشري الوالده o_O


..

بعد سبع سنين

من الحب والانتظار

علمت أن جدّه الأكبر

كان اسمه

مسيلمة ..!

//

قبل أن أنام ؛ لا أُحصي الخرفان..

بل أٌحصي أحبائي الذين فارقتهم .. يقفزون وجهاً بعد آخر من المراعي إلى المنافي

يتناثرون في الإتجاهات كلها أحصيهم جرحاً جرحاً ؛ ولا أنام

اتساءل كيف صار أحباب الأمس خرفاناً في متاهات الغربه؟

وحين أغفو أجدهم بانتظاري على الضفه الأخرى

فأُتابع إحصاء وجوههم لعلّيّ أنام داخل نومي !

//

المرايا المكسُوره

تخيفني حين أُحّدق فيها

ربما لأنها ترسم وجوهنا الحقيقيه من الداخل !

إنه زمن الأشياء المكسـورة ..

//

أحتاج أن أخلع صوتك من ذاكرتي ،احتاج ألف ينبوع يتفجر أسف وجعي !

حتى أغتسل منك , أحتاج صيحة كبرى لأنزع روحك من صدري ..

وأنا أوقن بأنه يلزمني الكثير من الإحتضارات ! حتى أعيش لحظة بدونك ،

وأدرك أيضاً أن رحيلك سيكلفني شقاء - الدنيا والذاكرة ! -

.....

اتمنى ان تروق لكم تلك الكلمات

صبآحاً ينشر الطمأنينة في أروآح منهكة ..~

السلام عليكم والرحمة

صبآحكم غير / صبآحكم خير

صبآحكم طير << ياليل المسكة o_O

امس قلت لكم اني ببدأ اصلح العيديات

الحمدالله صلحنا جزء منها باقي جزء << كتاب ماعاد هب عيدية

عاد قلت اوريكم ابداعنا المنقطع النظير

قبل لاوريكم بشرحلكم عشان اللي يبي يقلد << ثقة والا ؟ o_O

الموهم شرينا تحف خمس اشكال عبيناها مكسرات مشكلة - علك - نوعين حلاو

......

هذي الصورة قبل .. ( هالشكلين هم اللي بدينا فيهم ) باقي الاشكال بوريكم اياها ان شاء الله متى ماخلصناها

بعد التعبية والتغليف والتربيط صارت كذا

يقطع ام الفن ياشيخ << يازينك ساكته

لاجد حلو ان الواحد يشوف نتيجة شغله يحس بالانبساط خخخخخخخخ

...

وانا اقصقص واحوس لفت نظري شيء احسه يقول صوريني

عاد مارديته وصورت

خخخخخخخخخخخخخخخخخ شرايكم ماتستاهل التصوير حسيتها تحفة فريدة ..

.....

خل اوريكم عيدياتنا العام 1429 هـ

تر اللي فوق خمس مية بس البلوق الحقير مطلعها ريال O_o

بعد ماصفيناها طلعت كذا

يمديكم بس خخخخخخخ

....

وهذولي الشكل الثاني

فيه هدايا بعد كانت كل وحدة تختار رقم ونعطيها الهدية اللي عليها الرقم اللي اختارته << لاعاد تشرحين

شوفوهم .. معليش الصورة من وراء الكواليس لاني صورتهم واحنا نغلفهم ونسيت اصورهم بعد مالخصنا بشكل نهائي

الصورة خلفة ادري قايلتلكم من وراء الكواليس حتى كان فيه اعضاء ورى وقصيتها خخخخخخخخ

بتقولون وش هالقص الغبي بقولكم اني اقص ببرنامج سقيم لان الاوفيس طافي عندي

والا بالعادة اقص ببرنامج اوفيس بيكتشر =(

الموهم هذا مالدي حتى الآن ..

يالله نشوفكم على خير ..

...........

~ ملاحظة كبر جبهة اللي مخترع البلوق / يقطع ام تنسيق الرسائل اللي تعرفه جد جد اخيس شيء بالعالم

كود الواحد يعدل رسالته مليون مره لين تضبط

المشكلة حتى لافتحت اعدل لقيت اخر تعديل يبيله تعديل خخخخخخخخ

ليتهم يعيدون النظر في نافذة الرسائل *_*

يآشهر رمضآآن ترَفّق ...

الله المستعاااااان من يوم مافتحت هالمدونة لليوم25/9/1431 ماكتب فيها شيء ...

لدرجة اني بديت احس اني سويتها عن قولة اني ماسويت =)
او يمكن عشان سويت حساب بالفيس بوك سفهت هذا

مدري احس الفيس بوك املح من ذا لان الفيس حيوي اكثر .. اما ذا ميت مافيه روح
..
الموهم الحمدالله اني تخرجت .. بحكم اني يوم افتح هالمدونة كان هذا طموحي خخخخخخخخخ
جربت شعور البطالة اخيرا =)
اممممم وش بعد
ايه اليوم ان شاء الله ببدأ بتصليح العيديات لان خلاص مابقي عالعيد الا خمست ايامن تمام << برى

ياسرع رمضاااااان .. اللهم اجعلنا ووالدينا ممن اعتقت رقابهم من النار .. آمين

حرر في 25/9/1431هـ << غبار ادري o_O

تذكرت التجرافات ههههههههههههههههههههههههه

الموهم ان هالحتسي كتبته 6 .6 دقايق << ياعيني عالتميز طبعا صباحا

لان هالوقت مساء جالسه على سفرة الافطار << قوية الافطار @_@

س/ انا تذكرت المدونة ليييش ؟ << ترى السؤال وجيه

ج/ تذكرتها لان فجأه طرى لي الدكتور سليمان اللي بسبعة وثلاثين درجة

يوم يقول لمعاذ : اهاا بلوق شغل مدونات واشعار ( انت ياللي شعرك كنه حمامتن منسدلة ) << طول عمرك كبير يادكتور سليمان

على طاريه مير هالآدمي ماقد حسيت انه يمثل او يتصنع احسهم يصورونه وهو مايدري .. ظريف بالفطره سبحان الله

وبالنسبة لي احسه افضل ممثل كوميدي سعودي .. خفة دمه غير عن كل الممثلين ماشاء الله مايتصنع الظرافة ابد وهذا اللي مزينه ..

8

كم مره قلت احس ؟؟ o_O

وووووبس

ختاما احب اشكر كل من دعمني << وين وين

لاجد ختاما بكتب كلمات جميلة من بؤ ( يعني فم بس بالمصري ) ايه وش كنت اقول

من بؤ ابن رجب رحمة الله عليه

عسى من انقطع من ركب المقبولين يلحق ،

عسى أسير الأوزار يُطلق ,

عسى من استوجب النار يُعتق .

اللهم آمين ..

( وفي النهاية احب اقول لنفسي خففي من استخدام كلمة احس / جد جد يوم قريت هالحتسي اللي فوق لقيت هالكلمة كثيرة )

..

بسم الله وعلى بركة الله

في هاليوم تم انشاء مدونتي 16 / 3 / 1431

الله يجعلها فاتحة خير ..